E pritur: Ferrari F2005 në Bahrein

Michael Schumacher me bolidin e ri ka vozitur 82 xhiro, gjegjësisht 422 kilometra.

"Çudia teknologjike" nga Ferrari ka kaluar testet në pistën e Mugello-s, kështu që Ferrari do të tentojë të harrojë dy garat e para të kaluara. Fillimi i keq i sezonit ka shtyrë që udhëheqësit e Ferrarit që qysh në garën e tretë e cila mbahet për çmimin e madh të Bahreinit e cila vozitet me 3 prill të vijnë me bolidin e ri.
"Në garën e ardhshme do të paraqitemi me bolidin e ri, testimet në Mugello kanë vërtetuar përmirësimin" tha drejtori i Ferrarit Jean Todt.
Më herët kishin njohtuar se Ferrari do të paraqitet me bolidin e ri në San Marino, në pistëm e Imola, mirëpo, kur kampioni në fuqi, Michael Schumacher me bolidin e vjetër F2004 në dy garat e para mori vetëm 2 pikë atherë në Maranello kanë përshpejtuar punën në modelin e ri.
"Më kryesorja është se pasi kam provuar bolidin e ri, menjëherë kam ndjerë se është më i mirë dhe i shpejtë" tha Schumacher, i cili në Mugello në Itali për herë të parë ka provuar bolidin e ri duke vozitur 40 xhiro. Edhe pse pritet që Schumacher dhe Rubens Barichello në Bahrein të vozitin bolidin e ri, Todt njohtoi se do të marrin me vete edhe modelet e vjetra për çfardo rasi në problemet teknike.

Driton SALIHU
© presheva.com