Michelin humb tri ekipe në vitin 2006

(presheva.com) - Gomat nga prodhuesi francez Michelin nga sezoni i ardhshëm nuk do t'i përdorin disa ekipe në Formula 1, njohton përfaqësuesi i kësaj kompanie Nik Shorok.
"Do të zvoglojmë numrin e partnerëve në sezonin e vitit 2006. Javën e ardhshme do të sqarojmë më shumë" tha Shorok i cili është drejtor i sektorit të Michelin për Formula 1.
Ai tha se është i njohur me spekulimet sipas të cilit në vitin 2006, përveç Ferrarit, Jordan dhe Minardi, me goma Bridgestone do të pajisen edhe Williams, Toyota dhe Red Bull.
Ardhmëria e Michelin në Formula 1 është në dilemë pasi Michelin javën e kaluar ka njohtuar se do të largohet nga gara nëse FIA vendos që nga viti 2008 të marrë pjesë vetëm një prodhues gomash.

Driton SALIHU