Audi S4 Cabrio

Fuqia dhe Siguria

Në Frankfurt "Audi" do të prezantojë S4 Cabrio
Versionin sport të A4 kabriolet dhe disa motorë tjerë të ri

Kualiteti i kabrioletit, fuqia e motorit tetë cilindërsh dhe siguria me motor "quattro", tërheqja me katër rrota janë disa veçori të Audi S4 cabrio të ri i cili do të prezantohet në panairin ndërkombëtarë të Franfurtit i cili fillon prej 8 shtator.

Shitja e këtij modeli do të fillojë në pranverën e vitit 2004 dhe çmimi ende nuk përcaktuar.
Audi S4 cabrio nga pamja e jashtme dallohet nga Audi A4 cabrio. Faret janë prej titaniumi, retrovizoret janë prej alumini çka është karakteristike për versionet sport.

Dizajni sportiv vërehet edhe në brendësi, në timon dhe në tabelën kontrolluese.
Me një motor "quattro" dhe me fuqi prej 344 KF, prej 0 deri 100 km/h arrin për 5.9 sekonda, dhe shpejtësia maksimale është 250 km/h.
Ndërruesi i shpejtësive është manual me gjashtë shpejtësi por blerëi mund të zgjedhë edhe versionin "tiptronik" me gjashtë shpejtësi.
Audi në Frankfurt do të prezantojë edhe dy verzionet e reja të Audi A3, i pari sport me 3.2 litra dhe 250 KF quattro, kurse modeli i dytë A3 FSI me motor 1.6 litra dhe 115 KF.
A2 do të ketë motor të ri dizel me 1. litra dhe me 90 KF.

by DritonS
© presheva.com