BMW 1

Nga BMW vijnë fotografitë dhe të dhënat e para zyrtare për BMW e serisë 1 e cila vjen në treg në klasën e mesme dhe si konkurent direkt i "Audi A3" si dhe "Golf 5".
Me një gjatësi prej 4.23 metra, BMW seria 1 është për 24 cm më i shkurtë se seria 3 dhe 2 centimetra më i gjatë se "Golf". Ka bagazh prej 330 litra çka është mesatarja e kësaj klase. BMW mbetet besnik traditës; baby BMW ka motorin përpara dhe tërheq me rrotat e pasme.

Do të jenë katër lloje të agregateve: dy benzin dhe dy dizel. Benzin më i vogël është 1.6 litra dhe me një fuqi prej 115 KF dhe prej 0-100 km/h arrin 10.8 sekonda dhe shpejtësi maksimale prej 200 km/h. Agregati prej 2.0 litra k një fuqi prej 150 KF dhe mundëson 0-100 km/h për 8.7 sekonda dhe shpejtësi maksimale prej 215 km/h.
Të dy agregatet dizlel janë dy litërsh, verzioni më i dobët ka fuqi prej 122 KF (0-100 km/h arrin për 10 sekonda dhe shpejtësi maksimale prej 200 km/h) dhe verzioni më i fortë prej 163 KF (0-100 km/h arrin për 7.9 sekonda dhe shpejtësi maksimale prej 220 km/h).
Fuqia bartet në rrotat e pasme me ndihmën e ndërruesit të dorë së shpejtësive me 6 shpejtësi, në të gjitha modelet përveç 116i i cili ka 5 shpejtësi dhe më vonë do të mund të ketë edhe ndërrues automatik gjithashtu me 6 shpejtësi.
Në fillim në treg ofrohet në shitje modele me 5 dyer kurse modelet me 3 dyer do të fillojnë të shiten në vitin 2005. Një vit më vonë, në vitin 2006, BMW do të lansojë edhe verzionin "coupe" dhe "cabrio", çka mund të jetë edhe seria 2.
Seria 1 premierën do ta ketë në vjeshtë të këtij viti në panairin e automobilave në Paris. Rreth çmimit zyrtar ende nuk bëhet fjalë, kurse sipas informatave të para jozyrtare flitet që në Europë do të kushtojë prej 24.000 deri 34.000 euro.
 

© presheva.com