GP Silverston 2002

Dominimi i Ferrarit u vazhdua edhe në Grand Prix e Britanisë në Silverstone. Dy vendet e para në podium ishin të rezervuar për Michael Schumacher dhe Rubens Barichello, të cilët treguan edhe njëherë se janë superior për këtë sezonë. Kjo ishte fitorja e 7-të e sezonit dhe njëherit fitorja e 60-të e karierës të kampionit të katërfishtë, i cili është në rrugën më të mirë për të barazuar rekordin e legjendarit Huan Miguel fangio, i cili ishte pesë herë kampion. Schumacher tani ka 54 pikë më shumë se Rubens Barichello i cili gjendet në vendin e dytë, dhe sipas shumë gjasave Schumacher është në rrugë të mirë për të fituar edhe titullin e pestë. Nëse Schumacher fiton edhe në garën e ardhshme e cila do të mbahet në Magny-Cours në Francë, ai do të shpallet qysh tani kampion për sezonin 2002.
Në fillim të garës bolidi i Rubens Barichellos u fik, prandaj ai e humbi pozicionin e dytë dhe atij iu desh të niset i fundit. Lufta në mes të Montoyës dhe Schumacherit në fillim ishte interesante, mirëpo pas shiut që filloi në vazhdim të garës, në stazë mbetën më të mirët dhe bolidët mëtë pregaditur. Montoya arriti që të "mbahet" nga sulmet e Schumacher, mirëpo pas disa gabimeve që bëri Montoya, iu desht ta lëshojë vendin e parë specialistit për shi. Prej këtu e deri në fund të garës Michael Schumacher nuk iu rrezikua vendi i parë, sepse ekipi Ferrari qysh në fillim kishin zgjedhur tipin e përshtatshëm të gomave. Në hije të garës, Rubens Barichello arriti që në rrethin e 50 ta kalojë edhe Montoyën dhe të arrijë vendin e dytë.
Edhe njëherë Montoya nuk arriti të ruaj poleposition, por këtë kerë ai duhet të jetë i kënaqur pasi arriti të zë vendin e tretë pas shumë gabimeve që bëri ai gjatë garës me shi.
Jacques Villeneuve dhe Olivier Panis arritën sukses pasi pikat e para i sollën e kipit të tyre BAR Honda të cilët deri tani nuk kishin arritë të shënojnë pikë në këtë sezon.


1. M. Schumacher (Ferrari) 1'31'45"015
2. Barichello (Ferrari) + 0'14"500
3. Montoya (Williams) + 0'31"600
4. Villeneuve (BAR) + 1 Rd.
5. Panis (BAR) + 1 Rd.
6. Heidfeld (Sauber) + 1 Rd.
7. Fisichella (Jordan) + 1 Rd.
8. R. Schumacher (Williams) + 1 Rd.
9. Massa (Sauber) + 1 Rd.
10. Coulthard (McLaren) + 2 Rd.
11. De La Rosa (Jaguar) + 2 Rd.

Klasifikimi i përgjithshëm i pilotëve:

1. Micheal Schumacher (Ferrari) 86 pikë
2. Rubens Barichello (Ferrari) 32
3. J. P.Montoya (Williams) 31
4. Ralph Schumacher (Williams) 30
5. David Coulthard (Mclaren) 26
6. Kimi Raikonen (Mclaren) 11
7. Jason Button (Renault) 10

Klasifikimi i konstruktorëve:

1. Ferrari 118
2. Williams-BMW 61
3. Mclaren Mercedes 37
4. Renault 14
5. Sauber Petronas 10
6. Jordan Honda 6

© presheva.com