Fiat Trepiùno

Fiat Trepiùno (tre-pyu-no) është prezantuar në panairin e automobilave të Gjenevës që po mbahet në Gjenevë nga 4 Marsi deri më 14 Mars. Prodhimi i këtij automobili nga FIAT ka ardhur si pasojë e numrit të madhë të automobilave të tipit SMART, të cilët bëjnë pjesë me një përqindje të madhe ne skenën automobilistike të Romës dhe qyteteve tjera të Italisë. Emri Trepiùno domethënë tre plus një, dhe ka kuptimin se është automobil për tre persona të rritur dhe një fëmijë. Ky automobil është prodhuar me baza të Fiat Panda.

Ky automobil dallon nga automobilat e tjerë edhe për nga renditja e ulëseve, shumë automobila të tipit mini kryesisht kanë hapësirë të vogël dhe vetëm 2 ulëse, Trepiùno mundet që sipas dëshirës së vozitësit të ketë në përdorim 2, 3, apo 3+1 ulëse "emergjente".

Trepiùno ka një interier me hapësirë të mjaftueshme, një vend ku ju mund të voziteni mire dhe mund të lëvizni lilrshëm nëpër automobil.
Edhe pse Trepiùno është i gjatë vetëm 3.3 metra, ofron shumë lehtësi dhe përparësi. Ky model ka sistemin më të ri të dritave, ka teknologjinë më të re për ndriçim nëpër këthesa, poashtu vlen të përmendet edhe ekrani LCD. Si shumica e mini automobillave edhe Trepiùno ka sistemin e tavanit Sky-dome i cili është një tavan qelqi transparent i cili e bën vozitësin më të afërt me ambijentin e jashtëm.

Trepiùno ka një motor me fuqi prej 55 deri 60 kuaj fuqi, por për adhuruesit e shpejtësisë FIAT do të prodhojë edhe Trepiùno me motor prej 95 deri 120 kuaj fuqi.

Ky model i FIAT-it me siguri se do të jetë konkurenti kryesorë i Smart Forfour. FIAT në panairin e automobilave në Gjenevë poashtu ka prezentuar edhe New Multipla, Panda 4x4 dhe Panda SUV.

by valon
© presheva.com