F1 GP Bahrain: Rëra në sy

Fituesi i GP Bahrain - Shakir, Michael Schumacher nuk mund të besojë se sa e mirë është staza e re.

"Të gjithë e dinë se unë jam i lidhur me stazën Spa në Belgjikë. Mirëpo, kjo ishte një kënaqësi e vërtetë. Staza është perfekte dhe shumë keq që qysh më herët nuk është në kalendarin e Formula 1. Jam i mahnitur dhe mezi po pres të kthehem në vitin e ardhshëm" tha Michael Schumacher.
Vozitësit ishin frikuësuar se staza do të pushtohet nga rëra, sepse ajo gjendet në mes të shkretëtirës, mirëpo gjatë garës nuk pati asnjë incident.
"As nuk jam ndjerë fare se po vozis nëpër shkretëtirë. Kam parë rërë rreth stazës, dhe vetëm pak para fillimit të garës filloi të bjerë shi. U friguam se pista do të jetë e rrëshqitshme dhe filluam të mendojmë për ndrimin e gomave. Në fund më vjen shumë mirë se gara përfundoi aq shpejtë" shtoi Schumacher.
Stazat Sepang, Shakir dhe Shangaj kanë vënë standarde të reja në Formula 1 dhe është reale që së shpejti stazat si Imola, Spa, Monca dhe Nurburgring do të largohen nga kampionati.
Ndërtimi i stazës Shakir ka kushtuar 150 milionë dollarë, kurse staza Silverstone,e cila në fakt është një pistë avionësh nga lufta e dytë botërore, për rikonstruim ka kushtuar reth 80 milionë dollarë.
"Formula 1 po largohet nga Europa, dhe ne këtë nuk mund ta ndalim. Secila stazë e ardhshme do të jetë më e mirë, më e bukur, më e shpejtë dhe më atraktive se këto që janë tani, dhe kjo është fenomenale. Investimi i qindra milionave dollarë tregon se Formula 1 nuk e rrezikon shuarja e saj" përfundoi Schumacher.

© presheva.com