Samuel Eto'o: "Ndoshta në finale kundër Arsenalit dhe Henry"

(presheva.com) - "E ndjej se kundër rosonerëve do të luaj ndeshjen më të mirë gjatë tërë karierës sime. Italianët me vite të tëra lavdërohen për një mbrojtje të fortë, por ata deri tani ende nuk kanë pasur kundër një sulm sic është ai i Barcelonës. Ne nuk njohtim bariera, para vetes shohim vetëm golin. Dida është një portier shumë i mirë, por nuk ka pasur fat pasi një hap para finales luan me Barcelonën. Natyrisht, nuk i nëncmoj Shevchenkon, Inzaghin dhe Gilardino të cilët janë shënues të mirë". - tha Eto'o
Eto në muajin e ardhshëm duhet të luaj me të vërtetë si kurrë më parë pasi po i kërcënohet vendi në Barcelonë pasi për sezonin e ardhshëm po flitet se do të vijë Thiery Henry.
"Shikoni, unë kam një kontratë me Barcelonën deri në vitin 2010, dhe nuk do të largohem pa marrë parasysh nëse vijnë edhe së bashku Henry, Adriano dhe Ronaldo. Nuk e shof të arsyeshme pse të jetë Henry kërcënim për mua? Barcelona mendoni se luan vetëm me një sulmues? Logjike është se të gjithë dëshirojnë të nënshkruajnë kontratë me klubin më të mirë në botë dhe Francezin e presin me duar të hapura. Mirëpo, së pari të eleminojmë Milanon. Kush e di, ndoshta në finale do të luajmë me Arsenalin dhe Henry" tha Eto i cili ka një ofertë të mirë nga Chelsea.

Alban SALIHU